Брза и лесна изработка на фактури. Печатење на неколку форми на фактури, фискална сметка. Се проширува со плагини (пр: каса за малопродажба)
НОВО! Плагините за Фискализација и Каса во малопродажба прават „патриотски фискални сметки“
  
|
КУПУВАЊЕ
симнување на Софтвер за фактурирање
симнување на упатство (.pdf)
видео упатство за инсталација (swf)
поддржани фискални апарати
верзија |
|
Брзата и квалитетна услуга на клиентите е императив за секоја фирма. Брзата изработка на фактури, зависи од ергономијата на програмот и избегнување на непотребно повторливи процеси.
Програмот oXFakturiranje е наменет за:
- припрема и печатење на фактури (основен пакет),
- преглед на фактурите (основен пакет),
- каса во малопродажба (плагин)
- печатење фискални сметки (плагин),
- евиденција на фактурите во Excel документ (плагин),
- евиденција на уплати по фактури (плагин)
Генерирањето на фактури е едноставно и лесно. Се прави во само неколку чекори.
Многу податоци кои се подразбирливи и најчесто користени нема потреба да се внесуваат при изработката на секоја фактура. Програмот ги предлага, а корисникот само потврдува (со Enter). Олеснета е работата на продавачот, но и на сметководствената служба.
Можни се два начина на изработка на фактура:
- фактура со слободен внес на производи/услуги, кои не ги содржи базата на податоци, а кои се различни за секој клиент/случај посебно.
- фактура со производи кои ги содржи базата на податоци.
Програмот користи SQL база на податоци со која се гарантира сигурност на податоците (под условите и упатствата на користење).
Базата на податоци може да биде заедничка за повеќе продажни места, односно за повеќе лица кои независно, на посебни компјутери поврзани во мрежа, ја користат програмата oXFakturiranje.
Секоја фактура останува засекогаш запишана во базата на податоци и можно е нејзино повторно печатење ако за тоа се појави потреба. При наплата секоја фактура може да се фискализира (да се отпечати фискална сметка), а исто така при евентуална грешка истата да се сторнира.
Поддржани фискални апарати:
- Synergy PF500 (фискален принтер)
- Synergy SY-50 (фискална каса-принтер)
- Mak-Elit Print (фискален принтер)
- Mak-Elit Mikro (фискална каса-принтер)
- Bravo (фискален принтер)
- Arcadia (фискална каса-принтер)
- EURO-2000 T/TE ALPHA - Elcom (фискална каса-принтер)
- VIVO (фискален принтер)
При изработката на програмот се водеше сметка неговата употреба да е лесна и интуитивна, со користење само на тастатура. Глувчето може - но не мора.
Се проширува со следните плагини:
oXFakturiranjeMaloprodazba - каса во малопродажба со поддршка за бар-код читач
oXFakturiranjeExcel - евиденција на фактурите во Excel документ
oXFakturiranjeFiskalizacija – за печатење на фискални сметки
oXFakturiranjeUplataNaFakturi – евиденција на уплати по издадена фактура
Идеална за мали и средни претпријатија кои често издаваат фактури, продавници, магацини.
|
